बागलुङ, २८ मंसिर– आदर्श संचार सहकारी संस्था लि. बागलुङको १६ औं वार्षिक साधारणसभामा पत्रकार र कलाकारलाई सम्मान गरिएको छ । धौलागिरी एफएमका सह–सम्पादक कोपिला कंडेल र कलाकार बसन्त थापा सम्मानित भएका हुन् ।
पत्रकार सिर्जना पन्त र सन्तोष क्षेत्रीले आफ्नो बिबाह खर्च कटाएर बनाएको सिर्जनशिल पत्रकारिता पुरस्कार तथा सम्मानबाट कंडेल पुरस्कृत ुभएकी हुन् । उनलाई सहकारीकी संस्थापक अध्यक्ष मनकुमारी केसीले १० हजार पुरस्कारसहित सम्मान गरिन् ।
त्यस्तै, बागलुङमा जन्मेर कलाकारितामार्फत देश–बिदेशमा नाम कमाउन सफल कलाकार बसन्त थापालाई पनि सम्मान गरिएको थियो । सहकारीले हरेक बर्ष बिशिष्ट व्यक्तिलाई सम्मान गर्दै आएको छ । २५ हजार पुरस्कारसहित थापा सम्मानित भएका हुन् ।
आदर्श संचार सहकारीले केही दिनदेखि नै क्षेत्रगत रुपमा साधारणसभा गर्दै आएको थियो । अन्तिम दिन मंगलबार मुल समारोह भएको हो । मुल समारोहमा अधिवेसन समेत भएको थियो । अधिवेशनले पुनः हुमाकुमारी जिसी अञ्जुको नेतृत्वमा अधिवेसनले नयाँ कार्यसमिति चयन गरेको छ ।
