बागलुङ, ८ पुस–पर्यटन प्रर्वद्वनका लागि बागलुङको कालिका मन्दिरदेखि पोखराको विन्ध्यवासिनी मन्दिरसम्म साइकल ¥याली गरिएको छ ।
साइकल सिटी पोखराको आयोजना र बागलुङ नगरपालिका, उद्योग वाणिज्य संघ र शालिग्राम संग्राहयको समन्वयमा साइकल ¥यालीको आयोजना गरिएको हो । साइकल ¥यालीले वातावरण संरक्षणमा चेतनामूलक सन्देश प्रवाह गर्दै बागलुङ र पोखरालाई पर्यटनका माध्यमबाट नजिक बनाउने अपेक्षा गरिएको छ ।
साइकल ¥यालीको गण्डकी प्रदेशका पर्यटन, उद्योग, वाणिज्य तथा आपूर्ति मन्त्री मणिभद्र शर्माले बागलुङ कालिका मन्दिरमा उद्घाटन गर्दै पर्यावरणको रक्षा र पर्यटन प्रबद्र्धनका लागि ¥यालीले महत्वपूर्ण सन्देश दिने बताए ।
‘साइकल ¥याली बागलुङमा मिलेर व्यवस्थापन गरेका हौ’, बागलुङ नगरपालिकाका कार्यबाहक नगरप्रमुख कोपिलामणि शर्माले भने, ‘पोखरा आउने पर्यटकलाई बागलुङमा पनि पर्यटकीय गन्तव्य छन् भन्ने सन्देश ¥यालीले दिनेछ ।’ साइकल ¥यालीमा विभिन्न जिल्लाका दुई सय जनाको सहभागिता थियो ।
पोखरादेखि सिधैँ मुस्ताङ जाने पर्यटकले साइकल ¥यालीपछि बागलुङको बाटो रोज्न सक्ने विश्वास लिइएको छ । ¥याली बागलुङ कालिकाबाट सुरु भई पर्वतको कुश्मा बजारहुँदै पोखराको विन्धवासिनी मन्दिर पुगेर समापन थियो ।
