बागलुङ, ८ पुस– जिल्ला प्रहरी कार्यालय बागलुङका प्रहरी उपरिक्षक दयानिधी ज्ञवाली सम्मानित भएका छन् । कालिका भगवती गुठी व्यवस्थापन समिति बागलुङले शुक्रवार प्रहरी उपरिक्षक ज्ञवालीलाई नगद ५१ हजार १ सय ५१ रुपैयाँसहित सम्मान गरेको हो ।
समितिले चैत्राष्टमी मेला, वडादशैँ, नवरात्र तथा मन्दिरको नियमित सुरक्षा व्यवस्थापनसँगै समग्र बागलुङको शान्ति सुरक्षा र अपराध नियन्त्रणमा योगदान पु¥याएको भन्दै प्रउ ज्ञवालीलाई सम्मान गरिएको समितिका अध्यक्ष कुमार खड्काले जानकारी दिए ।
सम्मानपनि बोल्दै प्रउ ज्ञवालीले आफुले प्राप्त गरेको सम्मान देश र जनताको सुरक्षामा खटिने प्रणका साथ प्रहरी सेवामा प्रवेश गरेका सबै प्रहरीको सम्मान भएको बताएका थिए ।
