काठमाडौं, १३ पुस– बागलुङमा भूकम्पका तीनवटा ठूला झट्का महसुस गरिएको छ । राष्ट्रिय भूकम्प मापन तथा अनुसन्धान केन्द्रका अनुसार बागुलङलाई केन्द्र बनाएर ४.७, ५.३ तथा ४ म्याग्निच्यूटका तीन भूकम्पको झट्का महसुस गरिएको हो ।
केन्द्रका अनुसार बागलुङको अधिकारीचौरको वरपर गएराती १ बजेर २३ मिनेटमा ४.७ म्यान्च्यिूटको भूकम्प गएको थियो । यस्तै, बागलुङकै खुंगामा केन्द्र बनाएर राती २ बजेर ७ मिनेटमा ५.३ म्याग्निच्यूटको भूकम्प गएको केन्द्रले जनाएको छ । त्यसपछि बिहान ३ बजेर २८ मिनेटमा अधिकारीचौर नै केन्द्रविन्दु बनाएर ४ रेक्टर स्केलको भूकम्प गएको जनाइएको छ ।
