म्याग्दी, १९ पुस– अन्नपूर्ण गाउँपालिका–४ नारच्याङको लेकगाउँमा रेलेखोला जलविद्युत् आयोजनाको कारण सडक सञ्जालको पहुँच पुगेको छ ।
१ सय २० घरधुरीको बसोबास रहेको लेकगाउँमा पहाडको कारण वर्षौंदेखि पूरा हुन नसकेको सडक चाहना आयोजनाले करोडौँ लगानी गरेर पूरा गरिदिएको हो ।
बेँसीगाउँदेखि लेकगाउँतर्फ सडकको पहुँच पु¥याउन स्थानीयवासीले चन्दा संकलन गरेर प्रयास गरेपनि अक्करे भिरको कारण ठूलो लगानीको अभावमा रोकिएको सडकलाई रेलेखोला जलविद्युत् आयोजनाले पूर्णता दिएको हो ।
बेँसीगाउँदेखि लेकगाउँ जाने बाटोमा रहेको अक्करे भिरमा मात्रै ११ घुम्तीहुँदै सडक विस्तार गरेर लेकगाउँ पु¥याइएको वडा सदस्य श्याम पुर्जाले जानकारी दिए । यो भिरमा मात्रै सडक निर्माण गर्न तीन वर्ष बढी समय लागेको थियो । आयोजनाले बेँसीबाट लेकगाउँ सम्मको पाँच किलोमिटर सडक निर्माण गरेपछि मात्रै गाउँमा यातायातको पहुँच पुगेको पुर्जाले बताए ।
सडकको पहुँच पुगेपछि वडा, पालिका र सदरमुकाम आउँदा पैदल हिँड्नुपर्ने झण्झट हटेको छ भने सामग्री ढुवानीमा सहज भएको स्थानीयवासी बताउँछन् । आयोजनाको पहुँचमार्गका लागि कूल १८ किलोमिटर सडकको ट्र्याक निर्माण भएको छ ।
विद्युत आयोजनाले स्थानीयलाई दक्षता र क्षमताअनुसारको रोजगारको अवसरसमेत दिएको इन्जिनियर आयुष भट्टराईले जानकारी दिए । आयोजनाले जिभुमे थान निर्माण र क्रान्ति आधारभूत विद्यालयको छानो फेर्न आर्थिक सहयोग गरेको थियो ।
