बागलुङ, २५ पुस– अपाङ्गता सरोकार संघ बागलुङको १० औं वार्षिक साधारणसभा सम्पन्न भएको छ ।
साधारणसभाको उद्घाटन गर्दै संस्थाका सल्लाहकार एवम् धवलागिरि बहिरा आवासिय मावि व्यवस्थापन समितिका अध्यक्ष केवि रानाले स्थानीय निकायमा पैरवी गर्दा सबैखाले अपाङ्गता भएका व्यक्तिहरु एकजुट भई आफ्ना सवाल प्रष्टसँग राख्नुपर्ने बताए ।
कार्यक्रममा बागलुङ बहिरा संघका पूर्व अध्यक्ष सन्तोष पौडेल, बागलुङ नेत्रहीन संघका अध्यक्ष कुमार पुन र पर्वत नेत्रहीन संघका सल्लाहकार हरिदत्त शर्माले शुभकामना मन्तव्य व्यक्त गरेका थिए ।
उद्घाटन कार्यक्रम संस्थाका अध्यक्ष चिजा थापा मगरको अध्यक्षता, उपाध्यक्ष होमनाथ शर्माको स्वागत र सचिव टीकाराम सापकोटाको संचालनमा सम्पन्न भएको थियो ।
साधारणसभाका दोस्रो सत्रमा अपाङ्गता भएका व्यक्तिहरुलाई एकदिने क्षमता अभिवृद्धि तथा नेतृत्व विकास तालिम सञ्चालन गरिएको थियो । तालिमको सहजीकरण राष्ट्रिय अपाङ्ग महासंघ नेपाल गण्डकी प्रदेशका सहसचिव टीकाराम सापकोटाले गरेका थिए ।
