काठमाडौं, २६ माघ– सोमबार टर्की र सिरियामा गएको विनाशकारी भूकम्पमा परी मृत्यु हुनेको संख्या १५ हजार ८ सय ६५ पुगेको छ । अन्तर्राष्ट्रिय सञ्चारमाध्यम सीएनएनका अनुसार भूकम्पमा परी मृत्यु हुनेको संख्या १५ हजार ८ सय ६५ पुगेको हो ।
टर्कीको प्रकोप र आपतकालीन व्यवस्थापन एजेन्सी (एएफएडी)का अनुसार, टर्कीमा मात्रै मृतकको संख्या बढेर कम्तिमा १२ हजार ८ सय ७३ पुगेको छ भने सिरियाको उत्तरपश्चिममा विद्रोही र सरकारी नियन्त्रित भागहरूमा गरी मृतकको संख्या कम्तिमा २ हजार ९ सय ९२ पुगेको छ ।
मृतकको संख्या उल्लेखनीय रूपमा बढ्न सक्ने सम्भावना रहेको सहायता एजेन्सीहरूले जनाएका छन् । सिरियामा, खोज र उद्धार टोलीहरूले चिसो मौसमको अवस्थाको बीचमा हजारौं भत्किएका भवनहरूको भग्नावशेषहरू पन्छयाइरहेका छन् ।
