बागलुङ, १ फागुन– नेकपा एमालेका नेता तथा कार्यकर्ताको एक भेलाले रिटर्नी फेडेरेसन बागलुङ गठन गरेको छ ।
नेकपा एमालेका केन्द्रिय सदस्य डा. सुर्य पाठकको बिशेष उपस्थितीमा सम्पन्न भेलाले केशव बहादुर जिसीको अध्यक्षतामा २५ सदस्यीय जिल्ला कमिटि गठन गरेको हो ।
कमिटिको उपाध्यक्षमा जिवन थापा र मेखबहादुर जिसी, सचिव श्रीकृष्ण पाठक, कोषाध्यक्ष भवानी शंकर आचार्य, सहसचिवमा योगेस अधिकारी र बिष्णुबहादुर खड्कालगायत २५ सदस्यीय समिति गठन गरिएको छ ।
समितिको सल्लाहकार संयोजकमा रुद्रबहादुर महतलाई चयन गरिएको छ । कार्यक्रममा नेकपा एमालेका जिल्ला अध्यक्ष हिराबहादुर केसी, पुर्व अध्यक्ष जनकराज पौडेल र सल्लाहकार नवराज पौडेलले शुभकामना मन्तव्य व्यक्त गरेका थिए ।
कार्यक्रम नेकपा एमाले गण्डकी प्रदेश कमिटी सचिवालय सदस्य तथा रिटर्नी फेडेरेसन नेपालका केन्द्रीय सदस्य शिव प्रसाद सापकोटाको अध्यक्षता र डिल बहादुर कार्कीको संचालनमा सम्पन्न भएको थियो ।
