बागलुङ, ६ फागुन– फागुन कृष्ण चतुर्दशीमा पर्ने महाशिवरात्री पर्व शनिबार मनाइँदै छ । पञ्चांग निर्णायक विकास समितिबाट सिफारिस पात्रोअनुसार साँझ ६ बजेर ६ बजेसम्म त्रयोदशी तिथि रहेपनि त्यसपछि चतुर्दशी लाग्ने भएकाले शनिबार नै महाशिवरात्री पर्व मनाउन लागिएको हो ।
हिन्दु धर्मावलम्बी श्रद्धालुले श्रद्धा र भक्तिपूर्वक भगवान् शिवको पूजा–आराधना गर्दैछन् । महाशिवरात्रीको दिन बिहानै नदी वा पवित्रस्थलमा स्नान गरी श्रद्धापूर्वक भगवान् शिवको पूजा–आराधना गर्ने परम्परा रहेको छ ।
भगवान् शिव भक्तहरूको कल्याण गर्ने र चाँडै प्रसन्न हुने देवताका रूपमा परिचित छन् । यस्तै, संहारका देवताका रूपमा पनि शिवको महिमा छ । भगवान् शिवलाई पञ्चामृतले स्नान गरी चन्दन, सेता फूल, बेलपत्र आदिले पूजा गर्ने विधान छ ।
