बागलुङ, ७ फागुन– बागलुङ नगरपालिकाको आयोजनामा ५ औं राष्ट्रपति कप रनिङ शिल्ड खेलकुद प्रतियोगिता शुरु भएको छ ।
आइतबार नगरप्रमुख बसन्तकुमार श्रेष्ठले प्रतियोगिताको उद्घाटन गर्दै आजका युवा बिदेश पलायन हुनुपर्ने अवस्था अन्त्यका लागि खेलको बिकास महत्वपूर्ण आधार भएको बताए । उनले बागलुङ नगरलाई खेलको गन्तव्य बनाउने र खेलबाटै युवाहरुले भविष्य देख्ने अबस्था सिर्जना गर्न प्रतियोगिताहरु आवस्यक भएको बताए ।
कार्यक्रममा प्रमुख जिल्ला अधिकारी रोशनीकुमारी श्रेष्ठले बिद्यार्थी जीवनमा अनुशासनको महत्व बढाउन खेल क्षेत्र आवस्यक भएको बताइन् । उनले खेलकुदलाई मानव जीवनको महत्वपूर्ण अंग बनाउन सकेमा आम नागरिकमा अनुशासनको बिकास हुने समेत धारणा राखिन् ।
आइतबारबाट शुरु भएको खेलको पहिलो चरणमा छात्रछात्रा तर्फको १ हजार ५ सय मीटर दौड प्रतियोगिता सम्पन्न भएको छ । जसअन्र्तगत आदर्श बिद्यामन्दिरका अनुप घर्तीक्षेत्री प्रथम, सिगाना माबि तित्याङका रबि बिक द्वितिय, गणेश माबिका हरि रोका तृतिय र अमर आदर्श माबिका रिनम परियार सान्त्वना भएका थिए ।
छात्रातर्फको १ हजार ५ सय मीटर दौडमा बिद्यामन्दिर माबिकी ज्ञानुदेवी रोका प्रथम भइन् । त्रिभूवन माबि पैयुँपाटाकी सम्झना पौडेल द्वितिय, जनताधन माबिकी अनुषा पौडेल तृतिय र सिद्धार्थ शिक्षा सदनकी एन्जिला लिम्बु सान्त्वना भइन् ।
आइतबारै शुरु भएको भलिबल प्रतियोगितामा पृथ्वी हिरण्य माबि र अमरआदर्श माबि दोश्रो चरणमा प्रवेश गरेका छन् । पृथ्वी हिरण्यले रुद्रेपिपललाई २५–१४ र २५–१० को सोझो सेटमा पराजित गरेको हो । दोश्रो खेलमा अमर आदर्शले महाविद्याजन माबि रायडाँडालाई २७–२५ र २५–२१ को सेटमा पराजित ग¥यो ।
उत्कृष्ट ¥याली प्रर्दशन गरेको भन्दै रुद्रेपिपल माबि र चिल्ड्रेन लाइफ माबि तथा उत्कृष्ट मार्च पास गरेको भन्दै लहरेपिपल माबि र सिद्धार्थ शिक्षा सदनलाई पुरस्कृत गरिएको थियो । कार्यक्रममा आइटिएफ र डब्लु टिएफ तेक्वान्दोका खेलाडीले प्याटन खेल प्रस्तुत गरेका थिए भने विभिन्न बिद्यालयका कलाकारले नृत्य प्रस्तुत गरे ।
खेलका लागि आएका प्रत्येक खेलाडीलाई खाजास्वरुप प्रतिविद्यार्थी १ सय रुपैयाँको दरले खाजाको व्यवस्थापन भएको नगरप्रमुख श्रेष्ठले जानकारी दिए । खेलबाट बाहिरिएको बाहेक अद्यावधिक भएको खेलाडीलाई उक्त रकम दिइनेछ ।
