बागलुङ, ८ फागुन– न्यू एभेरेष्ट एकेडेमी बागलुङको १७ औं बार्षिकोउत्सव आइतबारदेखि सुरु भएको छ । बागलुङ नगरपालिका–१ रामरेखामा रहेको विद्यालयले बिबिध कार्यक्रमको आयोजना गरी पाँच दिनसम्म बार्षिकोत्सव तथा अभिभावक दिवस मनाउन लागेको हो ।
बार्षिकोत्सवको उद्घाटन गर्दै बागलुङ नगरपालिकाका उपप्रमुख राजु खड्काले व्यवाहारिक शिक्षाले मात्रै दक्ष जनशक्ति उत्पादन गर्न सक्नेमा जोड दिए । उनले सैद्धान्तिक र प्रयोगात्मक सिकाईलाई सँगै लैजानुपर्ने बताए ।
विद्यालयले फागुन ७ र ८ गते आन्तरिक खेलकुद, ९ गते नृत्य र १० गते अन्तर विद्यालय हाजिरजवाफ प्रतियोगिता आयोजना गरेको छ । वार्षिकोत्सबको अन्तिम दिन फागुन ११ गते मुल समारोह आयोजना गरेको विद्यालयका प्रधानाध्यापक कृष्ण अधिकारीले बताए ।
मुल समारोहमा उत्कृष्ट विद्यार्थी सम्मान, अभिभावक म्युजिकलचियर प्रतियोगिता, पुरस्कार वितरण, नृत्य, सामाजिक विकृतीलाई निरुत्साहित गर्ने नाटक मञ्चन, साइन्स एक्जिविसन प्रस्तुत गर्ने विद्यालयले जनाएको छ । शिक्षक भुमिराज शर्माको सञ्चालन रहेको कार्यक्रममा माधव शर्माले स्वागत र कृष्ण आचार्यकले शुभकामना मन्तव्य व्यक्त गरेका थिए ।
