बागलुङ, २५ फागुन– १२ वर्षीय बालिकालाई बलात्कार गरी गर्भवती बनाएको अभियोगमा बागलुङको निसीखोला गाउँपालिकाका ७५ वर्षिय वृद्वलाई १२ वर्ष कैद सजाय भएको छ ।
जिल्ला न्यायाधीश दिवाकर भट्टको फागुन २३ गतेको अन्तिम आदेशले अभियोग दाबी पुग्ने भन्दै आरोपितलाई कैदसँगै ३० हजार रुपैयाँ क्षतिपूर्ती फैसला गरेको हो ।
बागलुङको निसीखोलाका एक वृद्वले ०७८ चैत ५ गते बालिकालाई बलात्कार गरेको भन्दै पीडित पक्षले ०७९ जेठ ३१ गते जिल्ला प्रहरी कार्यालय बागलुङमा उजुरी दिएका थिए ।
प्रहरीले आरोपितविरुद्ध ०७९ असार २३ गते जिल्ला अदालत बागलुङमा जर्बजस्ती करणी कसुर शीर्षकमा मुद्दा दर्ता गरेको थियो । आरोपित अदालतको ०७९ असार २३ गतेको आदेशले पुर्पक्षको लागि जिल्ला कारागार बागलुङमा थुनामा रहेको इजालाश अधिकृत गंगाधर सापकोटाले जानकारी दिए ।
