बागलुङ, २ चैत्र– जिल्लाको गलकोट बहुमुखी क्याम्पसको स्ववियु सभापतिमा नेपाल विद्यार्थी संघका लोकेन्द्र गैरे सर्वसम्मत चयन भएका छन् । क्याम्पसमा क्रियाशील विद्यार्थी संगठनको सहमतिम गैरे सभापतिमा सर्वसम्मत चयन भएका हुन् ।
स्ववियूको उपसभापतिमा नेविसंघकै सुप्रिया गौतम, सचिवमा अखिल क्रान्तिकारीका गगन विश्वकर्मा, सहसचिवमा अनेरास्ववियुकी सुस्मा पन्त, कोषाध्यक्षमा अनेरास्ववियु (छैठौँ) का गणेश सापकोटा, सदस्यहरूमा नेविसंघकी हिरादेवी सुवेदी, विशाल उप्रेती, अनेरास्ववियुका निशा थापा, अखिल क्रान्तिकारीका सारा पुन, हेमन्त भण्डारी र अनेरास्ववियु (छैठौँ)की विनिता गौतम चयन भएको निर्वाचन अधिकृत नवराज गौतमले जानकारी दिए ।
