बागलुङ, १८ चैत्र– मेलाको अवसरमा आयोजित राष्ट्रिय लोक दोहोरी गस्त प्रतियोगितामा लोक दोहारी गीत प्रतिष्ठान बागलुङ विजेता बनेको छ । शुक्रबार भएको फाइनलमा जिवन सिग्देलको समुहलाई पराजित गर्दै प्रतिष्ठान बागलुङ बिजयी भएको हो ।
१३ समुहको सहभागिता रहेको प्रतियोगितामा लोक दोहोरी गीत प्रतिष्ठान पर्वत र सबिन आचार्यको समुहले तेस्रो स्थान प्राप्त गरेको छ ।
विजेता प्रतिष्ठान बागलुङले नगद १ लाख ५० हजार, उपविजेता जिवन सिग्देलको समुहले नगद १ लाखसहित मेडल र प्रमाणपत्र प्राप्त गरेको छ भने तेस्रो भएका लोक दोहोरी गीत प्रतिष्ठान पर्वत र सबिन आचार्यको समुहले नगद ५० हजार प्राप्त गरेको प्रतियोगिताका संयोजक भरत खड्काले जानकारी दिए ।
