बागलुङ, २५ चैत्र– प्रगतिशील पत्रकार संघ नेपालको सचिवमा बागलुङका ताराप्रसाद शर्मा निर्वाचित भएका छन् । संघको बुटवलमा सम्पन्न प्रथम राष्ट्रिय सम्मेलनले शर्मालाई सचिवमा निर्विरोध निर्वाचित गरेको हो ।
शर्मा नेपाल पत्रकार महासंघ गण्डकी प्रदेशको सदस्य, परिसूचन साप्ताहिक र धौलागिरि एफएमका सम्पादक हुन् । यस्तै, संघको केन्द्रिय सदस्यमा प्रकाश छन्त्याल, सल्लाहकारहरुमा बागलुङबाट रामनारायण सुवेदी, भाषा शर्मा र किरण आचार्यलाई निर्वाचित भएका छन् । सुवेदी रेडियो परिवर्तनका स्टेशन म्यानेजर हुन् भने शर्मा नागरिक दैनिक र आचार्य नेपाल टेलिभिजनमा कार्यरत छन् ।
