बागलुङ, ३० चैत्र– रातो नम्बर प्लेटका सवारीसाधनले भाडामा यात्रु बोकेको पाइएपछि बागलुङमा ट्राफिक चेकजाँचमा कडाई गरिएको छ ।
रातो नम्बर प्लेटका सवारीसाधनले भाडामा यात्रु बोक्न नपाइने प्रावधान रहेपनि यात्रु बोकेको पाइएपछि गृह मन्त्रालयको परिपत्र अनुसार बागलुङमा ट्राफिक चेकजाँचमा कडाई गरिएको हो ।
जिल्ला ट्राफिक प्रहरी कार्यालयको सक्रियतामा जिल्लाका बिभिन्न स्थानबाट ग्रामिण क्षेत्रतिर यात्रु बोकेका रातोनम्बर प्लेटका सवारीसाधनलाई कारवाहि गर्न थालिएको जिल्ला ट्राफिक प्रहरी कार्यालय बागलुङका प्रमुख मिनबहादुर खड्काले जानकारी दिए ।
५ जनासम्म आफ्नो परिवार बोक्न पाउने भएपनि रातोनम्बर प्लेटका सवारीसाधनले भाडामा यात्रु बोक्न थालेपछि कारवाहिको दायरामा ल्याउन लागिएको उनले बताए ।
