बागलुङ, ३१ बैशाख– प्रेस सेन्टर बागलुङले स्थापना गरेको श्याम–चन्द्रकली स्मृति पुरस्कार र भक्त–जगकुमारी स्मृति पत्रकारिता पुरस्कारबाट बागलुङका दुई पत्रकार पुरस्कृत भएका छन् ।
प्रेस सेन्टर बागलुङले आफ्नो १५ औँ वार्षिक साधारणसभाको अवसरमा श्याम–चन्द्रकली स्मृति पत्रकारिता पुरस्कार जनमञ्च डटकमका सम्पादक तथा ढोरपाटन दैनिकका कार्यकारी सम्पादक रामकृष्ण बोहरा र भक्त– जगकुमारी स्मृति पत्रकारिता पुरस्कार गलकोट एफएमका जीवनकला खत्री (सरिता) लाई प्रदान गरेको हो ।
दुवै पुरस्कारको राशी जनही रु१०–१० हजार रुपैयाँ नगद र सम्मानपत्र रहेको प्रेस सेन्टर बागलुङका अध्यक्ष थम्मन थापाले जानकारी दिए ।सो पुरस्कार नेकपा (माओवादी केन्द्र)का केन्द्रीय सदस्य बलावती शर्मा र प्रेस सेन्टर नेपालका महासचिव सन्तोष पौडेलले शनिवार गलकोटमा आयोजित कार्यक्रममा प्रदान गरे ।
