बागलुङ, ११ जेठ– होटल व्यवसायीहरुका लागि आगो व्यवस्थापन तथा नियन्त्रण सम्वन्धी तालिम दिइएको छ । होटल व्यवसायी संघ बागलुङको आयोजना र जिल्ला प्रहरी कार्यालय बागलुङको सहयोगमा बिपत व्यवस्थापन समितिको टोलीले होटल संचालक र कुकहरुका लागि तालिम दिएको थियो ।
सदमुकाममा रहेका बिभिन्न होटल संचालक तथा कुक गरी ६० जनाको सहभागीता रहेको होटलमा काम गर्ने क्रममा ग्याँस तथा अन्य क्षेत्रमा लागेको आगोलाई कसरी व्यवस्थापन र नियन्त्रण गर्ने भन्ने बिषयमा सहजीकरण गरिएको थियो ।
कार्यक्रममा जिल्ला प्रहरी कार्यालय बागलुङका प्रमुख प्रहरी उपरिक्षक योगेन्द्रकुमार खड्का, होटल व्यवसायी महासंघ गण्डकी प्रदेशका अध्यक्ष अर्जुन चोखालले मन्तव्य व्यक्त गरेका थिए । उनीहरुले सानो सानो गल्तीले पनि ठुलो बिपतु निम्ताउने भएकाले सचेत हुन जरुरी रहेको बताएका थिए ।
कार्यक्रम होटल व्यवसायी संघ बागलुङका अध्यक्ष निलेश राजभण्डारीको अध्यक्षता र सचिव कविता बस्नेतको संचालनमा सम्पन्न भएको थियो ।
