त्रिपुरेश्वर महादेव मन्दिरको ४० औँ बार्षिकोत्सव

बागलुङ, १२ जेठ– त्रिपुरेश्वर महादेव मन्दिर परमानन्द सन्यास आश्रम काठेखोला गाउँपालिका–५ बिहुकोट बागलुङको ४० औँ बार्षिकोत्सव तथा रथयात्रा सम्पन्न भएको छ ।
बार्षिकोत्सवको अवसरमा लघुरुद्राभिशेख भजनकृतन पाठपरायण लगायतका कार्यक्रम गरिएको मन्दिर व्यवस्थापन समितिका उपाध्यक्ष गौरीशंकर शर्मा सुबेदीले जानकारी दिए ।
गुल्मी, पर्वत, पोखरा, म्याग्दी र बागलुङका गरी सयौं भक्तजन रथयात्रामा सहभागी थिए ।
बार्षिकोत्सवको उद्घाटन गर्दै मन्दिर व्यवस्थापन समितका प्रधान संरक्षक श्री १ हजार ८ स्वामी ज्ञानानन्द सरस्वतीले धर्म, संस्कृति, परम्परा र हिन्दुराष्ट्र निर्माणका लागि मठमन्दिर देवालय सिवालयको सबैले संरक्षण गर्नुपर्नेमा जोड दिए ।
कार्यक्रममा स्थानीय गोबिन्दप्रसाद शर्मा कँडेल, टंकप्रसाद शर्मा कँडेल चन्दादाता श्यामसुन्दर रिजाल लगायतले बोलेका थिए ।
१ हजार ८ स्वामी ज्ञानानन्द सरस्वतीको अध्यक्षता, वडा अध्यक्ष ज्ञामनाथ कँडेलको स्वागत र सचिव हरिप्रसाद कँडेलको संचालनमा कार्यक्र सम्पन्न भएको थियो ।