बागलुङ, १८ जेठ– पत्रकार सज्जन कुुमार सिंहको नयाँ गीत ‘पोखरामा’ सार्वजनिक भएको छ । डिजिटल प्लेट फर्म युटुवमार्फत गीत बजारमा आएको हो ।
माया प्रेममा आधारित गीतमा पोखराको पानी र युवतीको जवानीलाई चित्रण गरिएको छ । सिंहको गीत सार्वजनिक भएपछि पोखराका स्थानीयले भने गलत हिसाबले पोखरेली महिलालाई चित्रण गरेको भन्दै विरोध गरिरहेका छन् । ‘पोखरामा… दुई कुराको भर हुन्न, एउटा पानीको, अर्को नानीको’ गीतको मुल थेगोमा पोखरेलीहरुले सामाजिक सञ्जालमा आपत्ति जनाईरहेका छन् ।
पोखराको मौसम र प्रेमलाई बिषयवस्तु बनाएर तयार पारिएको गीतको शब्द, संगीत तयारी गरिएको छ । गीतमा सज्जन कुमार सिंह र गायिका अस्मिता अधिकारीको स्वर रहेको छ । गीत विनोद बाजुरालीले एरेन्ज गरेका हुन् ।
गीतको भिडियोलाई इश्वर बाबुले निर्देशन, सम्पादन गरेका हुन् । राजेश घिमिरेको छायाङ्कन रहेको भिडियोमा गायक सिंह आँफै मुख्य भुमिकामा छन् । जुना गुरुङ र सरिता धानकोटीको अभिनयले गीत सुन्दर बनेको छ । भिडियोमा पोखराको फेवाताल र यहाँका ऐतिहासिक प्राकृतिक ठाउँ समावेश गरिएको छ ।
