बागलुङ, १४ असोज– सदरमुकाम बागलुङ बजारमा गुड्ने सवारीसाधनले दशैंका बेला भाडामा दश प्रतिशत छुट दिने भएका छन् । बागलुङ नगरपालिका र यातायात व्यवसायीबीच भएको छलफलपछि व्यवसायीले दश प्रतिशत भाडा छुटको घोषणा गरेका हुन् ।
दशै तिहारको अवसरमा गाडी भाडामा छुट दिने निर्णयले यात्रुलाई सहयोग गर्ने व्यवसायीहरुले बताए । चाडपर्वलाई लक्षित गरी बागलुङ नगरपालिका क्षेत्रमा संचालन हुने सवारी साधनको मौजुदा भाडा दरमा १० प्रतिशत छुट गर्ने सहमती भएको नगरपालिकाका प्रमुख प्रशासकिय अधिकृत पुरुषोत्तम सापकोटाले जानकारी दिए ।
पछिल्लो समयमा ग्रामिण भेगमा संचालन हुने यातायातका साधनले चर्को भाडा असुल गरेको भन्ने गुनासो समेत आएको थियो । चाडपर्वको अवसर यात्रा गर्न सहज होस भन्ने उद्देश्यले भाडा छुट गर्ने निर्णय गरिएको सापकोटाले बताए । नगरपालिकाले संयोजन गरेर हाल लिई आएको भाडामा छुट गर्ने र चाडपर्व पश्चात भाडा संयोजन गर्ने बताएको छ ।
