बागलुङ, १६ मंसिर– जिल्लाको गलकोट नगरपालिकाभित्रका २ विद्यालयका बिद्यार्थीहरुलाई शैक्षिक सामग्री बितरण गरिएको छ ।
रोट्रयाक्ट क्लव अफ गलकोट आयोजना तथा गलकोट अपडेटको समन्वयमा गलकोट नगरपालिकाभित्रका २ विद्यालय खरुवा माध्यामिक विद्यालय र लक्ष्मी नारायण आधारभुत विद्यालयका २० जना विद्यार्थीलाई शैक्षिक सामाग्री बितरण गरिएको हो ।
गलकोट नगरपालिका–४ को खरुवा माविका १० जना र गलकोट नगरपालिका–९ को लक्ष्मीनारायण आधारभुत विद्यालयको १० जना विद्यार्थीलाई शैक्षिक सामग्री हस्तान्तरण गरिएको रोट्रयाक्ट क्लव अफ गलकोटका उपाध्यक्ष विदुर खरेलले जानकारी दिए ।
गरिब तथा जेहेन्दार विद्यार्थीलाई पढाईमा सहयोग पुगोस् भन्ने उद्देश्यले कापी, कलम लगायतका शैक्षिक सामग्रि हस्तान्तरण गरिएको खरेलले बताए । रोट्रयाक्ट क्लव अफ गलकोटका अध्यक्ष ईश्वर गौतमले क्लवले विभिन्न सामाजिक कार्यक्रम गर्दै आएको र गरिब तथा विपन्न विद्यार्थिलाई शैक्षिक सामग्री सहयोग गरिएको जानकारी दिए ।
