काठमाडौं, ९ पुस– करण राई ‘द भ्वाइस अफ नेपाल’ को चौथो संस्करणको विजेता बनेका छन् । शुक्रबार भएको ‘ग्राण्ड फिनाले’ मा करण टिम राजुबाट विजयी भएका हुन् ।
विजेता घोषणा भएसँगै उनले नगद २५ लाख रुपैयाँ प्राप्त गरे । उनले पल्सर एन एस १६० मोटरसाइकल, साढे दुई तोला सुनको सिक्री र ग्यालेक्सी जेड फोल्ड फोन पुरस्कार पनि हात पारे ।
टिम राजेश समूहबाट सविना योङहाङ लिम्बू ‘फर्स्ट रनरअप’ भइन् । टिम प्रमोदबाट योगेश मगर ‘सेकेण्ड रनरअप’ घोषित भए । टिम प्रविशाबाट शाइल लिम्बू थर्ड रनरअप बने । दर्शकको भोटको आधारमा विजेता घोषणा गरेको आयोजकले जनाएको छ ।
