बागलुङ, २७ माघ– न्युन आय भएको समुदायमा रहेको एक बिद्यालयका बालबालिकालाई बागलुङ नगरपालिकाले बिद्यालय पोशाक तथा स्टेशनरी सामग्री उपलव्ध गराएको छ । बागलुङ नगरपालिका–७ मा रहेको ज्योतीपुञ्ज प्राथमिक विद्यालयका ४० जना विद्यार्थीको लागि बिद्यालय पोशाक र स्टेशनरी उपलव्ध गराईएको हो ।
बिपन्न समुदायका बालबालिका धेरै रहेकाले बिद्यालयमा सहयोग गर्न समुदायस्तरबाटै पटक पटक माग भएपछि नगरपालिकाले बिद्यालयमा पुगेर सहयोग गरेको जनाएको छ । बागलुङ नगरपालिका शिक्षा शाखाको आयोजनामा बिद्यालयमा पुगेर नगरप्रमुख बसन्त कुमार श्रेष्ठले सबै बिद्यार्थीका लागि पोशाक, शैक्षिक सामग्री र खेलकुद सामग्री हस्तातरत्रण गरेका थिए ।
सोही कार्यक्रममा सामाजिक अभियान्ता सुरेन्द्र गैरेले तीन जना बालबालिकालाई पोशाक तथा स्टेशनरी सहयोग गरेका थिए । बिभिन्न माध्यामबाट संकलित सहयोग रकमबाट गैरेले जेहेन्दार, विपन्न र सरसफाईमा उत्कृष्ट तीन जना बिद्यार्थीलाई सहयोग गरेका हुन् ।
जेहेन्दार छात्रा आश्रीया गौतम, विपन्न परिवारका छात्र पारराज रेग्मी र सरसफाईमा उत्कृष्ट छात्र अभिषेक परियारलाई गैरेले सहयोग गरेका हुन् ।
