बागलुङ, २९ माघ– नेपाली भाषा साहित्यको विकासमा सहयोग पु¥याउने तीन जना स्रष्टा सम्मानित भएका छन् ।
धौलागिरि साहित्य प्रतिष्ठान बागलुङमा स्थापना गरिएको ‘काजी रोशन साहित्य पुरस्कार–२०७८ बाट ‘पटाक्षेप’ (उपन्यास)का लेखक टिका मिलन, ‘बम–सरस्वती स्मृति पुरस्कारबाट साहित्यकार शकुन्तला ज्ञवाली पौडेल र हिमलाल–मन्धरा स्मृति पुरस्कारबाट श्रष्टा तुलसीजी पौडेललाई सम्मान गरिएको हो ।
पुरस्कृत टिकाराम घिमिरे इटहरी उपमहानगरपालिका–५ सुनसरी निवासी हुन् । उनलाई नगद २० हजार रुपैयाँसहित सम्मान गरिएको प्रतिष्ठानका अध्यक्ष काजी रोशनले जानकारी दिए । घिमिरेका राजवृक्षको हाँगो (कथा संग्रह) र पटाक्षेप (उपन्यास) प्रकाशित छन् ।
साहित्यकार तुलसी जी पौडेल बागलुङ नगरपालिका–१३ पैँयुपाटा निवासी हुन् । निजामति सेवाका विशिष्ट श्रेणीमा कार्यरत पौडेलको बुद्ध बनेका सिद्धार्थलाई (कविता संगालो), नमरेको मृत्यु (कविता) संग्रह प्रकाशित छन् ।
यस्तै, कविलवस्तु नगरपालिका–३ तिलौराकोट निवासी सकुन्तला ज्ञवाली पौडेलले संघर्ष कथा संग्रह, प्रवाह कविता संग्रहलगायतका साहित्यीक कृति प्रकाशन गरेकी छन् । पुरस्कृत तीनै जनालाई गण्डकी प्रज्ञा प्रतिष्ठानका उपकुलपति सूर्य खडका ‘विखर्चीले १०÷१० हजार रुपैयाँ नगद पुरस्कार प्रदान गरेका थिए ।
