बागलुङ, १ फागुन– लियो क्लब अफ धौलागिरि बागलुङको आयोजनामा बिद्यालय स्तरीय हाजिरीजवाफ प्रतियोगिता सम्पन्न भएको छ ।
प्रतियोगिताको उद्घाटन गर्दै बागलुङ नगरपालिकाका उपप्रमुख राजु खड्काले बिद्यार्थीको प्रतिभा पहिचान गर्ने मुख्य स्थलनै बिद्यालय भएको बताए । उनले बेला बेला हुने अतिरिक्त कार्यक्रमले मात्रै बिद्यार्थी जीवनबाट हरेक बिद्यार्थीले आफ्नो क्षमता बढाउने अबसर पाउने समेत बताए ।
कार्यक्रममा लायन्स क्लबको रिजन चियरपर्सन दुर्गा कुँवर, फ्युचर ब्राइटर बोर्डिङ स्कुलका प्रिन्सिपल बालकृष्ण शर्मा, सल्लाहकार मुकेशचन्द राजभण्डारी, ओमकार पौडेल, सुनिल सापकोटा, सुगम खड्का र प्रशान्त सुवेदीले धारणा राखेका थिए । लियो क्लब अफ धौलागिरि बागलुङका अध्यक्ष प्रवेश पौडेलको अध्यक्षता, गणेश महतोको संचालनमा सम्पन्न कार्यक्रममा १६ टिमले भाग लिएका थिए ।
प्रतियोगितामा युएस एकेडेमी प्रथम, धौलागिरी बिरेन्द्र माबि द्वितिय र मुलपानी माबि तृतिय भएको सुजन रेग्मीले जानकारी दिए । बिजयी टिमलाई पुरस्कार तथा प्रमाणपत्र बितरण गरिएको थियो ।
