बागलुङ, १ फागुन– स्याङ्जाको वालिङमा हुने मुख्यमन्त्री कप भलिबल प्रतियोगिताका लागि बागलुङबाट महिला÷पुरुष दुवै तर्फका खेलाडिले सहभागिता जनाउने भएका छन् ।
सोमबारदेखि शुरु हुने प्रतियोगिताका लागि दुवैतर्फ १२÷१२ जना खेलाडि छनौट गरि पठाइएको जिल्ला खेलकुद विकास समिति बागलुङले जनाएको छ ।
प्रतियोगिताअन्र्तगत पुरुष खेलाडितर्फ रवि केसी, प्रकाश सुनार, प्रविण बिक, राज कुमार प्रटेल, इन्द्र बिक, नकुल शाही, शक्ति पुन, कुशमान थापा, नविन क्षेत्री, मिन सुनार, छम कुँवर र कुञ्जन शाहीको नाम पठाइएको टिमकोच कृष्ण शेरचनले जानकारी दिए ।
यस्तै, महिलातर्फ यशोदा पुन, माया पुन, रिता काउचा, चन्द्रीका रोका, अपेक्षा काउचा, समिक्षा श्रीस, रोजी राना, सुशिला घर्ती, तेलिना छन्त्याल, सुस्मिता सिर्पाली, आशिका क्षेत्री र हिमाली रोका रहेको टिमकोच किशोर थापाले जानकारी दिए ।
