भूकम्पले टर्की–सिरियामा मृत्यु हुनेको संख्या ३७ हजार नाघ्यो

काठमाडौं, २ फागुन– टर्की र सिरियामा गएको भूकम्पमा मृत्यु हुनेको संख्या ३७ हजार नाघेको छ । संयुक्त राष्ट्रसंघले अब भग्नावशेषमुनि पुरिएका केही व्यक्तिलाई उद्दार गर्नुको सट्टा बाँचेका करोडौं मानिसलाई सहयोग उपलब्ध गराउनेतर्फ ध्यान केन्द्रित हुने जनाएको छ ।
टर्की र सिरियाको सीमा क्षेत्रमा शक्तिशाली भूकम्प गएको थियो । भूकम्पका कारण हालसम्म ज्यान गुमाउनेको संख्या ३७ हजार नाघेको छ । राष्ट्रसंघले यो संख्या दोब्बर हुन सक्ने बताएको छ ।
अहिले पनि भग्नावशेषबाट धेरै मानिस जीवितै फेला परेका अचम्मका घटना सार्वजनिक भइरहेका छन् । यसैबीच, टर्की सरकारले भवन निर्माणमा लापरबाही गरेको र सुरक्षा नियमलाई बेवास्ता गरेको आरोपमा हालसम्म १ सय १३ जनाविरुद्ध पक्राउ पुर्जी जारी गरिएको जनाएको छ । –एजेन्सीको सहयोगमा