म्याग्दी, ८ फागुन– बेनी नगरपालिका–९ स्थित प्रसिद्ध धार्मिकस्थल गलेश्वर मन्दिरमा एकैदिन ४ लाख बढी भेटी संकलन भएको छ ।
महाशिवरात्री पर्वको अवसरमा गलेश्वर शिवालयको दर्शन र पुजाआजा गर्न आएका भक्तजनबाट ४ लाख ३५ हजार ३७ रुपैयाँ भेटी संकलन भएको गलेश्वर शिवालय क्षेत्र विकास कोषका सदस्य सचिब बलबहादुर खत्रीले जानकारी दिए ।
गलेश्वर मन्दिरमा महाशिवरात्रीको पर्वको अवसरमा दर्शन र पुजाआजाका लागि म्याग्दीका ग्रामिण भेगसंगै छिमेकी जिल्लाबाट ३० हजारभन्दा बढी भक्तजन आएको कोषका अध्यक्ष माधव प्रसाद रेग्मीले जानकारी दिए ।
