बागलुङ, १७ फागुन– जिल्ला प्रहरी कार्यालय बागलुङले बिभिन्न मुद्दाका तिन जना फरार प्रतिवादी पक्राउ गरेको छ । जिल्ला अदालत बागलुङबाट बिभिन्न मितिमा मुद्दा फैसला भई हालसम्म फरार रहेका प्रतिवादीलाई प्रहरीले पक्राउ गरि अदालतमा पठाएको हो ।
माना चामल मुद्दाका प्रतिवादी बागलुङको बडिगाड गाउँपालिका–५ निवासी ४७ बर्षिया धनमाया काउचा, लागुऔषध मुद्दाका प्रतिवादी निसीखोला गाउँपालिका–६ निवासी ५७ बर्षिय कुमबहादुर बुढा र केही सार्वजनिक अपराध मुद्दाका प्रतिवादी ढोरपाटन नगरपालिका– ९ निवासी मौषम पुनलाई पक्राउ गरी फैसला कार्यान्वयनका लागि जिल्ला अदालत पठाइएको प्रहरी निरीक्षक राजाराम खड्काले जानकारी दिए ।
माना चामल मुद्दाका प्रतिवादी काउचालाई ६ हजार ४ सय ७० जरिवाना तोकिएको थियो भने लागुऔषध मुद्दाका प्रतिवादी बुढालाई १० महिना ७ दिन कैद तथा ५ हजार जरिवाना र केही सार्वजनिक अपराध मुद्दाका प्रतिवादी पुनलाई १ सय ५० रुपैयाँ जरिवानाको सजाय तोकिएको थियो ।
