बागलुङ, १७ फागुन– युवाहरुको क्षमता र नेतृत्व बिकासमा सक्रिय बागलुङ जेसीजले बिद्यार्थीका लागि बिभिन्न तालिम संचालन गरेको छ ।
बागलुङ जेसीजको बर्ष २०२३ को तालिम अभियानअन्र्तगत मंगलबार चिल्डे«न लाइफ बोर्डिङ स्कुलका बिद्यार्थीहरुलाई भविश्यको परिकल्पना सम्वन्धी तालिम दिईएको थियो ।
कक्षा ११ र १२ का १ सय ५० जना सहभागि बिद्यार्थीलाई बिश्वबिनोद घिमिरेले सहजीकरण गरेका थिए । कार्यक्रम बागलुङ जेसीजको बर्ष २०२३ का अध्यक्ष सौरभ श्रेष्ठको अध्यक्षता र तालिम संयोजक सोनी कार्कीको संचालनमा सम्पन्न भएको थियो ।
यसअघि सोमबार बिद्यामन्दिर माविका बिद्यार्थीलाई बागलुङ जेसीजका कार्यकारीणी उपाध्यक्ष गणेश महतोले बिद्यार्थीको औचित्यको बिषयमा र धौलागिरि बहुमुखी क्याम्पसका महिला बिद्यार्थीलाई बिश्वबिनोद घिमिरेले आत्मसुरक्षा सम्वन्धी तालिम दिएका थिए ।
यसैबीच, धौलागिरि बहुमुखी क्याम्पसको बिविएस संकायको आयोजनामा साविक धौलागिरि अञ्चल स्तरीय हाजिरीजवाफ प्रतियोगिता सम्पन्न भएको छ । १० बिद्यालयको सहभागीता रहेको प्रतियोगितामा बिद्यामन्दिर मावि बागलुङ प्रथम, चिल्डे«न लाइफ बोर्डिङ स्कुल द्धितीय र नारायण मावि कुश्मा पर्वत तृतीय भएका छन् ।
