प्रतिकात्मक तस्बिर
बागलुङ, २१ फागुन– बागलुङ नगरपालिकाले सशस्त्र द्वन्द्वको क्रममा ज्यान गुमाएका बागलुङ नगरपालिका–८ सिगानाका टंक खड्काको स्मृतिमा पदमार्ग निर्माण गरेको छ ।
सिगाना बेँसीदेखि वडा कार्यालय पुग्नेगरी पक्की पदमार्ग निर्माण गरिएकोे हो । पालिकाले चालु आर्थिक वर्षमा पदमार्ग निर्माणका लागि १० लाख विनियोजन गरेको शहीद टंक खड्का पदमार्ग निर्माण उपभोक्ता समितिका अध्यक्ष राजन जिसीले जानकारी दिए ।
‘अहिले पदमार्ग निर्माण अन्तिम चरणमा पुगेको छ, झन्डै तीन सय पचास मिटर लामो मार्ग बनेको छ, अर्को वर्षसम्म वडा कार्यालयसम्म ढलान पु¥याउने तथा शहीदको नाममा प्रवेशद्वारसमेत निर्माण गर्ने योजना छ’ अध्यक्ष जिसीले भने ।
