बागलुङ, २५ फागुन– १ सय १३ औं अन्तराष्ट्रिय नारी दिवशका अवसरमा बागलुङ नगरपालिकाले बिभिन्न बिधामा योगदान गर्ने छ जना महिलालाई सम्मान गरेको छ । पत्रकारिता, समाजसेवा र मजदुरी गर्ने छ जना महिलालाई सम्मान गरिएको महिला तथा बालबालिका शाखाका प्रमुख सरस्वती रेग्मीले बताइन् ।
पत्रकारिता क्षेत्रमार्फत महिलाहरुको अधिकारका क्षेत्रमा योगदान पु¥याएको भन्दै धौलागिरी एफ.एम. बागलुङका सह–सम्पादक कोपिला कँडेल र पत्रकार महासंघ बागलुङका सह–सचिव सिर्जना पन्तलाई सम्मान गरिएको छ । त्यस्तै, अपांगता तथा मानवअधिकारको क्षेत्रमा योगदान पु¥याएको भन्दै चिजा थापा, मानव सेवाको क्षेत्रमा योगदान पु¥याएको भन्दै विपना थापालाई सम्मान गरिएको हो ।
मजदुरी गरेर परिवार पाल्दै आएकी बागलुङ नगरपालिका–७ की बिजुला बिक र बागलुङ नगरपालिका–१ की देउकुमारी माझीलाई सम्मान गरिएको रेग्मीले बताइन् । दिवसमा आयोजित एक कार्यक्रममा उनीहरुलाई प्रमुख जिल्ला अधिकारी रोशनी कुमारी श्रेष्ठ र बागलुङ नगरपालिकाका उपप्रमुख राजु खड्काले दोसल्ला ओडाएर सम्मान गरेका थिए । उनीहरुलाई नगरपालिकाले सम्मानपत्र पनि प्रदान गरेको छ ।
