बागलुङ, २८ फागुन– खाद्य प्रविधि तथा गुण नियन्त्रण डिभिजन कार्यालय बागलुङले विद्यालयदेखि अस्पतालका क्यान्टीनमा अनुगमन गरेको छ ।
गुणस्तरहिन खाद्यबस्तुको प्रयोगले बिद्यार्थीको स्वास्थ्यमा पर्न सक्ने नकरात्मक असरप्रति ध्यान दिँदै केही बिद्यालय र धौलागिरी अस्पतालमा रहेको क्यान्टीनमा अनुगमन गरि सचेत गराईएको खाद्य प्रविधि तथा गुण नियन्त्रण कार्यालय बागलुङले जनाएको छ ।
डिभिजन कार्यालयसहित जिल्ला प्रशासन, नगरपालिका, राष्ट्रिय उपभोक्ता मञ्चले संयुक्त रुपमा अनुगमन गरी खाद्य सुरक्षाबारे जानकारी गराएको डिभिजन कार्यालयका प्राविधिक सहायक सहन्सा कुमार मेहताले जानकारी दिए ।
अनुगमनका क्रममा बिद्यालयलाई खाद्य स्वच्छताका आधारभुत मापदण्डको पालना गर्न आग्रह गरिएको थियो । कतिपय बिद्यालयले बिद्यार्थीलाई खुवाउने खाजा घरबाटै ल्याउने भएकाले समस्या नभएको मेहताले जानकारी दिए ।
