म्याग्दी, ५ चैत्र– जिल्लाको मंगला शिक्षा क्याम्पसको स्ववियुमा अनेरास्ववियुको प्यानल नै निर्वाचित भएको छ । आइतबार भएको स्वतन्त्र विद्यार्थी युनियन (स्ववियु)को निर्वाचनमा नेकपा एमाले निकट अनेरास्ववियुका भिममाया रोका नेतृत्वको प्यानल निर्वाचित भएको हो ।
रोकाले १३० मत प्राप्त गर्दै स्ववियुको सभापति चुनिइन् । नेविसंघबाट सभापति उम्मेदवार बनेका गौरव आचार्यले १५ मत गरे । अनेरास्ववियूका रविन शाहीले १ सय ३० मत ल्याएर सचिव र तारा रानाले १ सय २६ मत ल्याएर कोषाध्यक्ष चुनिइन् ।
अनेरास्ववियुबाट सदस्यहरुमा मेघबहादुर घर्ती, विन्दा रोका, सजिना सुबेदी, किशोरी फगामी, यूमायाँ दर्जी निर्वाचित भए ।
