बागलुङ, १२ चैत्र– बिद्यार्थी संगठनबिचको असहमतीकाबिच धौलागिरि बहुमुखी क्यापस (डिएमसी)मा स्ववियु निर्वाचन घोषणा गरिएको भन्दै केहि बिद्यार्थी संगठनले उच्च अदालत पोखरा बागलुङ इजलासमा रिट निवेदन दिएका छन् ।
त्रिभुवन विश्व विद्यालयले चैत ५ गतेको लागि तय गरेको निर्वाचन मितिमा निर्वाचन हुन नसकेपछि पुनः क्याम्पस प्रशासन र नेविसंघ सहित केहि बिद्यार्थी संगठनको सहमतीमा चैत १८ गते निर्वाचन गर्ने निर्णय भएपछि अनेरास्ववियु, अखिल क्रान्तिकारी सहितका बिद्यार्थी संगठनले उच्च अदालत पोखरा बागलुङ इजलासमा रिट निवेदन दिएका हुन् ।
चैत ५ गते निर्वाचन नभएका क्याम्पसमा त्रिभुवन विश्व बिद्यालयले चैत १२ गतेसम्म निर्वाचन गराउन निर्देशन गरेपनि धौलागिरि बहुमुखी क्याम्पस प्रशासन र नेविसंघसहित ६ बिद्यार्थी संगठनले अनेरास्ववियु, अखिल क्रान्तिकारीसहित ५ बिद्यार्थी संगठनको असहमतीका बावजुत निर्वाचन घोषणा गरेको भन्दै रिट निवेदन दिएको अखिल क्रान्तिकारीका गण्डकी प्रदेश उपाध्यक्ष जिवन शर्माले जानकारी दिए । ५ बिद्यार्थी संगठनले क्याम्पस प्रशासनलाई बिपक्ष बनाई निवेदन दिएको हो ।
