बागलुङ, २३ चैत्र– मानव अधिकारका लागि महिला एकल महिला समुह बागलुङको छैठौ साधारणसभा बुधबार सम्पन्न भएको छ । साधारणसभाका सहभागीले द्धन्द्ध प्रभावित तथा एकल महिलाको हकअधिकार सुरक्षित गर्न सबै एकजुट हुनुपर्नेमा जोड दिएका थिए ।
महिलालगायत बिभिन्न पिछडिएको वर्ग र क्षेत्रका अधिकार सुनिश्चित गर्नका लागि राज्यले कानुन निर्माण गरेको भन्दै सहभागीले महिला सम्बन्धी संबिधानमा उल्लेख भएका नीति नियमको व्यवहारमा कार्यान्वयन हुनुपर्ने बताएका थिए ।
सो अवसरमा समुहका सल्लाहकार तथा अधिवक्ता राम शर्मा, लक्ष्मी बास्कोटा, एकल महिला समुहका अध्यक्ष टिका भण्डारी, सदस्य पार्वती खड्का अधिकारीले बोलेका थिए ।
मानवअधिकारका लागि एकल महिला समुहका अध्यक्ष खडक कुमारी खड्काको अध्यक्षमा सम्पन्न भएको कार्यक्रममा स्वागत कोषाध्यक्ष सन्तु खड्का र संचालन सचिव सितादेबी सुबेदीले गरेकी थिइन् ।
