बागलुङ, १९ बैशाख– बागलुङ नगरपालिका–४ कुडुँले फेदीमा आयोजित शालग्राम महोत्सवबाट ७ लाख ९५ हजार ८ सय ९६ रुपयाँ बचत भएको छ ।
बैशाख ११ गतेदेखी १५ गतेसम्म संचालित महोत्सवमा १४ लाख ९३ हजार ७ सय २१ रुपैयाँ आम्दानी र ६ लाख ९७ हजार ८ सय २५ खर्च भई ७ लाख ९५ हजार ८ सय ९६ रुपैयाँ बचत भएको कोषाध्यक्ष बिदुर शर्माले जानकारी दिए ।
महोत्सवमा खाद्यान्नतर्फ १ लाख १० हजार, वाद्यबादनमा ९० हजार, टेण्टमा ८५ हजार, प्रचारप्रसारमा ३३ हजार, अतिथि सत्कारमा ३१ हजार ५ सय, सम्मानमा ४४ हजार, दान दक्षिणा र कलाकारका लागि ३१ हजार ५ सय, फलफुल तरकारीतर्फ ३३ हजार ५ सय २५ गरी ६ लाख ९७ हजार ८ सय २५ रुपैयाँ खर्च भएको छ ।
पछिल्लो समय लोप हुँदै गएको शालग्राम संरक्षण गरेर राखिएको संग्राहलयको प्रचारप्रसार, कालिगण्डकीको संरक्षण गर्दै धार्मिक पर्यटक आमन्त्रण गर्नका लागि महोत्सव आयोजना गरिएको थियो ।
