बागलुङको काठेखोला गाउँपालिकाको तंग्राममा संरक्षणको लागि पोखरी वरिपरि पर्खाल लगाईदै । तस्बिर : जनमञ्च
बागलुङ, ७ जेठ– जैमिनी नगरपालिकाले पोखरी संरक्षणमा चासो देखाएको छ । नगरपालिकाले चालु आर्थिक वर्षमा ठूला पोखरीको संरक्षणसँगै पर्यटन प्रवर्द्धन गर्न थालेको हो ।
जैमिनी नगरपालिका वडा नं. ३ दमेकस्थित खालपोखरीको संरक्षणसंगै सोम क्षेत्रमा पर्यटन पार्क निर्माण गर्न थालेको छ । नगरपालिकाले मौलिक सम्पदासँगै जोडेर पर्यटन प्रवर्द्धन गर्नेगरी काम सुरु नगर उपप्रमुख हरिहर शर्माले जानकारी दिए ।
आर्थिक वर्ष २०७९÷८० मा गण्डकी प्रदेशले विनियोजन गरेको १० लाखले खालपोखरीलाई व्यवस्थित गर्ने र पोखरी परिसरमा पर्यटन पार्क, वनभोजस्थल लगायतका संरचना निर्माण गरिने छ । गर्ने नगरपालिकाका उपप्रमुख हरिहर शर्माले बताए ।
सडकको सहज पहुँच र पर्यटकीय स्थल गाजाको दह नजिक पर्ने हुँदा खालपोखरी क्षेत्रको विकास गर्न थालेको उपप्रमुख शर्माको भनाई छ । ‘अहिले पर्यटकको लागि नयाँ गन्तव्य निर्माण गर्दैछौँ, खालपोखरी संरक्षणले अन्य पानीका मुहान जोगिने छन्’ शर्माले भने ।
