बागलुङ, १५ साउन– एक हप्तादेखि हराईरहेका बागलुङको गलकोटका प्रेमलाल दर्जी गुल्मीको मुसिकोटमा मृत फेला परेका छन् । गुल्मीको मुसिकोट नगरपालिका–७ स्थित बसेरीमा उनको शव फेला परेको हो ।
परिवारका अनुसार गलकोट नगरपालिका–३ हटिया खसगाँउका प्रेमलाल दर्जीको शव भेटिएको वामी प्रहरी चौकीका ईन्चार्ज बरिष्ठ सइ लक्ष्मण विश्वकर्माले जानकारी दिए । दर्जीको शव वामी अर्लाङकोट सडकबाट झण्डै ५० मिटर तल फेला परेको थियो । घाँस काट्न गएका स्थानीयहरुले आइतबार दर्जीको शव देखेपछि प्रहरीलाई खबर गरेका थिए ।
