काठमाडौं, १४ असोज– मुख्य प्रशिक्षक उर्जन श्रेष्ठले अण्डर–१७ को राष्ट्रिय फुटबल टिम घोषणा गरेका छन् । उनले एसियन कप छनोटका लागि २३ सदस्यीय राष्ट्रिय टिमको घोषणा गरेका हुन् ।
सेप्टेम्बरमा भएको साफ अण्ड–१७ लगत्तै उनले ३० खेलाडीलाई बन्द प्रशिक्षणमा बोलाउनुभएको थियो । नेपाल साफ अण्डर–१७ मा उपविजेता बनेको थियो ।
फाइनलमा नेपाली टिम भारतसँग ४–० ले पराजित बनेको थियो । एएफसीको एसिया कप छनोट खेल्न नेपाली टिम आईतबार प्रस्थान गर्नेछ ।
