काठमाडौं, १८ मंसिर– कतारमा जारी विश्वकप फुटलबमा अर्जेन्टिना र नेदरल्याण्डस् क्वाटर फाइनलमा प्रवेश गरेका छन् ।
शनिबार राती भएको खेलमा अर्जेन्टिनाले अष्ट्रेलियालाई २–१ गोल र नेदरल्याण्डस्ले अमेरिकालाई ३–१ गोल अन्तरले पराजित गर्दै क्वाटरफाइनलमा प्रवेश गरेका हुन् ।
अहमेद बिन अलि स्टेडियममा भएको खेलमा अर्जेन्टिनालाई जित दिलाउन कप्तान लियोनल मेस्सी र जुलियन अल्भारेजले एक एक गोल गरे । अष्ट्रेलियाले एक गोल आत्मघाती उपहार पाएको थियो ।
यस्तै, खालिफा अन्तराष्ट्रिय स्टेडियममा शनिबार भएको राउण्ड अफ १६ को खेलमा अमेरिकालाई ३–१ गोल अन्तरले हराउँदै नेदरल्यान्ड्स अन्तिम आठमा पुगेको हो ।
नेदरल्यान्ड्सको जितमा मेम्फिस डिपे, डेली ब्लाइन्ड र डेन्जेल डुमफ्रिएसले एक एक गोल गरे । अमेरिकाका हाजी राइटले एक गोल फर्काए । नेदरल्यान्ड्सले क्वाटरफाइनलमा अर्जेन्टिनाको सामना गर्नेछ ।
